Takk til Emlyn Firth for fantastisk formarbeid, og Tom-Erik Lønnerød for fridom + all/ enorm/ endelaus hjelp frå forlaget. Ved nemning av ordet «fridom» kjem eg dette i hug: UR er ikkje ein vanleg publikasjon. Det er fem publikasjonar i ein. Eg får gi ut fem diktbøker på same dag. Ikkje berre det. Vi lanserer dei fem bøkene i London i mars 2015, på The Shoreditch ved Brick Lane.
UR er fem bøker, individuelt innbundet, og samla til eit verk. Fem variasjonar over tema «byrjing»/ opphav:
Librettoarbeidet UR har med dette blitt bok. Boka er eit arkiv. Arkivet er alle verdas isbrear. Isen smeltar. Språket i UR er eitt smelta språk, er norsk-islandsk-skotsk.
Teksten er ei gjendiktning etter librettoen til operaen UR_ (komponist: Anna Thorvaldsdottir). Operaen blir spelt m.a. på Ultimafestivalen 2015 (16. – 19. september, på Den norske opera og ballett i Bjørvika). De kan lese meir om operaen her.